拒絕再玩

今朝難得潼潼媽唔懶惰，一早諗住帶潼潼去公園兼去下圖書館。點知個衰妹話唔去公園。我問佢咁去冒險樂園好無，佢即刻好爽快咁答我話好。唉！

後黎潼潼都肯去公園。我地屋企近山，沿路都有Ｄ風，又有陽光，感覺幾好，諗住難得好天氣，遲Ｄ就會嫌太熱喇！點知越近目的地，越接近石屎森林，感覺越不對勁。去到公園，就覺得曬到不得了。

記得我地細個即使夏天去公園都唔係咁難受。

可能因為果陣去維園有石做既涼亭，亦有大樹遮陰；而家新建成既公園都被大廈圍住，而且樹木都係新種，矮矮細細，難有調節溫度既功效。

可能係因為地球變亂。

亦可能因為我老左，無左果陣活力。

最後竟然又係由我出聲叫走。

去到公園見到呢Ｄ飲水設施，潼潼最初以為用黎洗手，不過知道可以用黎飲既之後，飲完又要求再飲。

始終唔係咁衛生，俾佢試過就算，都係唔好飲咁多。