保護財產

原來潼潼已經學會要保護自己既財產。

話說今日潼潼媽番工既時候先記起自己八達通無哂錢，兼且用哂散銀。

潼潼媽：「姐姐~ 你有無散紙呀?」

姐姐：「我都無呀！你係潼潼度拎啦！」

係廁所洗緊面既潼潼：「唔好呀！！」

我已經係潼潼個吉蒂包包度數緊錢。

潼潼係廁所衝出黎：「唔好呀！唔好拎我D錢呀！」

潼潼媽：「媽咪今晚番黎俾番你丫！」

潼潼：「唔好呀！」

我準備出門，但係潼潼唔霸休要纏住我：「唔好呀！」

擾攘左好一陣，最後姐姐抱走左潼潼。

係我出左門口閂埋門既一刻聽到潼潼：「哇~~~~~~~~ 」

好耐無聽到潼潼喊得咁大聲。 估唔到個衰妹已經對「金錢」有不錯既概念。