咬手

今日中午接到老師的來電。

老師：「潼潼今日食完飯後去排洗的時候咬自己既手，係手腕位置，不過咬得唔深。」

係，應該係潼潼番學之後既事，佢會不時將四隻手指一齊放入口。不過有時俾我地話得多，佢就唔敢完全將手放入口，就變左咬手腕位置。

老師：「咁你地會點做？」

老師係度考我？「我地都會叫佢唔好將手放入口。」

老師：「我同佢講『口係用黎食野既，手係用黎做野既。你咁樣老師會擔心你架！』

(係呀! 書本都教我地唔好用咁多「不要」「不准」「不可以」去同小朋友講說話，潼潼媽替潼潼進行催眠教育既時候都會好小心，會同佢講手仔用黎做野，要放低手。但係總有d時候不期然的講左唔應該講既。)

『咁啦！一陣你除好鞋仔襪仔上床訓覺果陣我過黎睇你丫』佢係有回應俾我，識對住我笑。『你笑好靚喎，老師好鐘意呀！』咁之後訓覺果陣我去睇佢，拍兩下佢，佢好快就訓左喇！」

老師解釋可能係潼潼想吸引我地既注意力，所以會做出呢d行為。叫我地係屋企多加配合。

老師：「你地有無同佢傾番學既事？」

潼潼媽：「有呀！我地都有問佢番學有無喊，有無食飯，有無訓覺。」

潼潼媽剛講完，都已經發現問題係邊。我既問題只係關心佢生理需要，無同佢傾番學既情況。

多謝老師特登打電話黎提點。我地會多加留意!