早陣子天氣熱既時候表姨成日邀請潼潼去佢地屋企，同兩個表哥仔「一齊」去游水。(其實係一齊落樓，跟住各有各玩
)。不過近排天氣開始涼，我地就再無去表姨屋企喇！
今日同潼潼出街時，佢無緣無故的話：「去表姨度游水！」我一時間唔知可以點答佢，就簡單直接地拒絕佢嗎？
番到屋企，諗住俾佢休息下黎個午睡，點知佢又開始扭計：「去表姨度游水！」呢個小妮子真係夠堅持。我又再次駛出一招「同理心」。
「好想去表姨度呀．．．． 游水好好玩好開心呀．．．．．．． 」
剩係講出感受就可以嗎？今次再進級，加上豐富想像力去幫佢「解決」問題。
「如果可以即刻跳入水度就好喇．．．．！」
靈機一觸，醒起潼潼未洗白白
「不如媽媽開一大盆水俾你玩水丫。」
潼潼好開心接受左。
媽媽又勝一仗喇！！！ 
轉數好快喎!!
回覆刪除「同埋心」呢招大人細路都用得着架; 你亦可apply在公司、夫妻相處之導，這是我之前上婚前輔導班學的!
[版主回覆10/19/2009 00:50:00]人都愛聽自己鐘意聽的說話。不過自己個囡同其它人唔同，經常要由「同理心」出發都幾辛苦，免得過都懶花咁多功夫。
潼潼媽真係細心，俾著我，一定一口拒絶咗。
回覆刪除[版主回覆10/19/2009 00:51:00]晴晴乖巧，當然唔駛用咁多技巧。但係換轉係潼潼，佢會一直堅持，繼而耍脾氣，最後又吵鬧一場喇!
潼潼媽轉數好快, 好有辦法喎! 得閒寫多d, 等我偷吓師至得
回覆刪除[版主回覆10/19/2009 00:52:00]我一向轉數都唔快，不過有時真係將自己投入去小朋友既角色，就好似開始明白佢地想要乜。