唔知唔識

呢晚潼潼食飯唔乖，唔知係咪咁樣夜晚肚餓嗌住要食餅，但係爸爸又要罰佢無餅食。呢個時候，潼潼突然係地上撿起一D野放左落口。

潼潼媽嗌住，潼潼爸趕住想出手，但係潼潼已經將果舊唔知乜野放左入口。潼潼媽嘗試「了」番出黎，又叫潼潼吐番出黎，但係已經喇無左喇！

潼潼媽：你食乜呀？

潼潼：餅餅呀！

無端端係邊度搵塊餅出黎呀？

潼潼媽：你究竟食左乜呀，你吐番出黎。（伸手要接住）

潼潼：唔知呀唔識呀！唔知呀唔識呀！

呢排問親潼潼野，佢一不耐煩就係乜都答你「唔知唔識」

跟住佢作勢好似想吐D野出黎咁。

潼潼指住個口：吞左呢度入面喇！

潼潼媽同姐姐對望，真係又好笑又俾佢激死！！

最後我地都唔知潼潼放左乜野入口，不過潼潼爸話潼潼由細到大都未試過將D唔食得既野放入口，既然已經食左，唯有等佢自然排出啦。