潼言潼語

兩歲幾既小朋友開始學講野，成日跟大人講野，有時你教訓佢既說話佢會用番黎教訓你，都幾攪笑。

潼潼媽要番工，除左假期之外，平時對住潼潼既時間唔多。好彩有時姐姐都會講番當日潼潼發生既趣事俾我知。

由於以上兩點，我決定將姐姐話俾我知既潼潼有趣既說話記低，將來睇番我諗都幾有趣。

*****************************************

姐姐帶埋潼潼出街買餸時

姐姐：潼潼，食乜好呀？

潼潼：食豆腐丫！

行行下．．．．．

潼潼：姐姐，我要食呢個！（指住火龍果）

潼潼已經有自己主意，所以今晚晚餐食豆腐同有火龍果做飯後果。

*****************************************

姐姐：潼潼，食飯喇！

（潼潼望住電視機，叫左幾次無反應，姐姐去熄左電視）

潼潼：你熄左我電視呀？我打你PAT PAT架！