2009下水禮

天氣開始熱，好多小朋友都開始左下水禮。我地呢日都帶潼潼去清水灣二灘諗住玩下水。

舊年潼潼只得一歲多，第二次去沙灘已經敢周圍走。細路仔唔識驚，竟然夠膽自己走出海「不」水玩。

以為今年大個女就更加醒，點知一切從頭開始。個衰妹竟然連企係沙地都唔肯，又唔肯俾人幫佢換泳衣，跟住係咁同佢玩沙先係咁意肯掂下d沙咋。到走又係攬到實，沖身時喊到傻。

唉..... 又要慢慢再俾佢習慣番先得喇！