再到銀線灣

上次潼潼媽帶潼潼去銀線灣潼潼玩得好開心，但係果次潼潼爸無份參予，所以一直都好想再帶潼潼去沙灘玩，可惜天氣一直都唔係幾好。直到星期六，天文台發出黑色暴雨，果日落雨真係落到天昏地暗，幾乎全港水浸。心諗游龍舟水既願望睇怕又要泡湯喇。

到左星期日，竟然見到少少陽光，但係仍然時晴時陰，我地思前想後，考慮左好耐，最後都係決定帶潼潼再去銀線灣。(或者大家都俾落雨天困得太苦悶)

睇下，潼潼係媽媽幫佢搭建既水池裡面玩得幾開心！

跟住仲有爸爸幫潼潼做左個擴建工程同埋裝修過之後，連隔離個叔叔都話：嘩！私人泳池呀？

老實講，雖然偶有陽光，但係其實呢日都幾涼，玩左陣見潼潼手仔都起哂雞皮，都唔敢俾佢玩得耐。玩左一個鐘多ｄ我地就走喇！

之後番到屋企忙住執拾同清潔既工作，然後去公公既壽宴。爸爸同媽媽都「支力」死喇～～～～～