姨媽成日話潼潼唔似BB樣,好似乜都知咁。我初頭都好疑惑,但係而家開始明白。
尋晚放工番屋企,見到又有袋小朋友既衫係度,呢D通常係婆婆嫲嫲既傑作。我諗住SETTLE好自己先拎黎睇既時候,潼潼已經逐件逐件衫由紙袋度抽出黎拎俾我睇。既然係咁,我亦助下興。
「嘩!好靚喎!!」
潼潼繼續逐件衫拎出黎,最後所有衫仔都拎左出黎,然後將其中一條黑白色圓點連身裙件併係自己身上。(當然係併得亂七八糟)
「等我幫你啦!」拎住條裙走到鏡前
「潼潼,過黎呢邊照鏡丫」將裙仔併係潼潼身上面
「好靚喎!!」潼潼好滿意咁一邊望住塊鏡,一邊用手拍下拍下身上面條裙
我又揀起另一條連身裙併係潼潼身上「試下呢條?好靚喎!」潼潼不為所動
攪完一輪,潼潼媽先食晚飯!潼潼就繼續攬住佢條裙。見潼潼咁鐘意,姐姐就幫佢著上裙仔。
潼潼媽跟姐姐講:「呢D裙平時點著呀?」所指既係其中兩條裙擺係紗裙款,好似花女著果D裙款。
姐姐:「我都同婆婆講太太實唔鐘意架喇!」
潼潼媽:「都係呢條裙最靚。(潼潼著緊黑白圓點既一條)」
姐姐:「潼潼都係最鐘意呢條呀!今日下午都已經係咁拎住呢條裙。」
潼潼媽詑異地:「係?潼潼真係有眼光!」
真係估唔到,一個未夠歲半既小朋友竟然都會識得自己揀衫?
(女為悅己者容) bb都啱用架!
回覆刪除哇, 開始黎喇。煩惱亦會由此而展開。 上次見面都話左你知, 好似津津咁揀衫揀鞋, 買左佢唔LIKEY既著都唔著, 仲會發脾氣。
回覆刪除[版主回覆06/19/2008 01:29:00]係咪早左D呢? 唔通潼潼果日聽到你講?
差不多喇... 津津歲幾個陣成日迫人地著d"""佢認為"""靚既"配搭"....
回覆刪除[版主回覆06/21/2008 23:47:00]而家d小朋友真係人細鬼大
咁仲快d映張相黎睇下~
回覆刪除[版主回覆06/21/2008 23:47:00]其實都未係咁岩著
唔好話潼潼,我軒仔男仔之家咪一樣!近排鍾情多啦A夢,咁咪買左件A夢T裇比佢,點知佢見親件衫就話要着,搞到婆婆洗完衫要反轉件衫黎掛!
回覆刪除又有幾次,因為佢鍾意件外套,熱到成頭汗都唔肯除!
[版主回覆06/24/2008 00:58:00]反轉件衫黎掛.... 哈哈.. 真係幾攪笑...