太興奮喇！
潼潼媽一直期待呢日既降臨，呢日就係我三個星期前已經約好左帶潼潼去影樓影相既日子。由約好日期果日開始，一直都好期待呢一日快ｄ到。
我同潼潼爸都唔係咁鐘意果ｄ醫生．．． 消防員．．． 白雪公主等等呢類角色扮演既造型，所以今次去影相都只係著一套衫，另外帶左一套衫俾潼潼換黎影下相唶！
同小朋友影相真係一ｄ都唔易，尤其是潼潼而家呢個年齡會行會走，但又未受控制，我地係第一個造型上已經遇到好大既挫敗感，大家都感到好無奈，連攝影師哥哥都話：「咁影法要影到三點鐘喎！
」（我地係１１點幾開始影相既）潼潼真係極度不配合，我地都恐怕影唔到ｄ咩靚相，好彩出黎既效果都還可以。
大家比較喜歡潼潼邊一個造型呢？
我鍾意IQ博士! 好可愛!
回覆刪除[版主回覆06/25/2008 00:54:00]佢眼鏡又唔肯戴，帽又唔肯戴，呢個造型以為影唔到架喇！
效果好好喎! 我最鐘意第一張.
回覆刪除我鍾意第一幅,感覺舒服又自然!
回覆刪除影得唔錯喎 , 著自己衫影相都係一個唔錯的主意啊 !
回覆刪除[版主回覆06/25/2008 23:29:00]晴晴媽，晴晴豬真係好靚女，又成日都笑得咁甜，你都幫晴晴豬影番d靚相留念丫，效果一定好好。
第一張潼潼真係影得最真最自然，因為其它造型都要我地不斷引佢笑﹑引佢望鏡頭﹑引佢企定定係指定位置，就只有呢個波波背景，潼潼一望到就開心到不期然「嘩」一聲，然後不停咁拎d波波玩。
回覆刪除我鍾意IQ博士, 愈黎愈同你一個餅印喇 !
回覆刪除[版主回覆06/28/2008 01:11:00]真係似咩?潼潼可愛好多呢!