賊贓

隨住潼潼日漸長大，懂的越多，趣事就越多，只係有時未能拍落黎，但係我都好想為佢紀錄下黎。

今晚，潼潼又頑皮，明知爸爸唔准，都要打開地櫃拎出入面雜物出黎。爸爸大喝一聲：「喂！！」潼潼聽到後心裡一急，要將手裡面既一支從櫃裡拎出黎既清潔劑遞俾姐姐。呢一邊姐姐不斷打趣地撒手，唔肯接贓：「唔關我事呀！」另一邊潼潼就急得兩腳不斷踏地，要將手裡面既東西塞俾姐姐。潼潼見姐姐唔肯接贓又深怕俾爸爸責備，就黎一招先發制人，撲係姐姐身上大喊起上黎。我地個個就睇到哈哈大笑。

爸爸叫潼潼呢招做「賊喊捉賊」