食蛇羹

秋風起，三蛇肥。早排天氣突然轉涼，就想起了蛇羹糯米飯。

呢日同潼潼行完街之後，打算跟爸爸到深水埗買野兼食蛇羹，所以著工人姐姐先帶潼潼歸家，跟住我倆就出發喇！誰知係搭巴士途中收到姐姐既來電，呢個時候我就想起了：忘記給姐姐門匙。唯有請姐姐又再搭車黎跟我地會合。然後，姐姐﹑潼潼亦同我地一齊去食蛇羹喇！

姐姐本來唔肯食蛇，我硬要佢試一試，佢好勉強咁飲左我俾佢既兩匙。　至於潼潼呢，我本來只俾佢試蛇羹湯水，點知佢試後喜歡，竟捧著碗喝，連蛇肉都吃清。

之後我仲抱潼潼去睇蛇，等佢認識一下蛇。呢個時候，剛巧有條蛇依著玻璃箱邊往上爬，我自己看見都在心裡打震，但又因為唔想將自己對蛇既主觀感覺灌輸俾潼潼，唯有扮作鎮定。不過．．．．蛇實在太嚇人．．．　所以．．．．　一於要將佢地食清光喇！！！