陪審員傳票

死因庭繼續研訊去年一名患有精神病的單親母親，涉嫌勒死一對子女後自殺的案件，裁判官質疑主診醫生不足診斷經驗。

昨日我就上案件到死因裁判處，因為收到傳票有機會擔任陪審員。最後結果呢?當然係未被抽中。不過都算係一個難得既經驗。

根據傳票指示，我須於九時十五分到達，但係我就攪到九時十分先到，真係好險。才到達裁判處門口，我已感到壓力，並不因為甚麼，只係見個個衣著都非常莊重，開始有D擔心自己既衣著會否被視為「蔑視法庭」

去到指定法庭門口無耐，就被叫到入內拎出身份證點名。收到傳票做陪審員既一共有五十位，但就只有其中五位會再被抽中正式擔任陪審員。期間有兩件事比較有趣。

1. 不得不佩服香港人「遲到」既習性，即使上法庭，竟然有好幾個候選陪審員遲到，而其中一個更加係缺席，我諗佢之後都幾麻煩。


2. 候選陪審員中，其中一個係外藉人，一個係自稱中文唔靈光既香港人。有職員向呢位香港人解釋呢件案中要呈堂既文件都係英文，應該無太大問題，反正未必會被抽中。點知呢位人兄真係被抽中做陪審員。係佢宣誓時佢要求用英文宣誓，於是法官就開始問佢好多問題，以測試佢既中文程度。睇得出呢位人兄好唔想當陪審員，極力為自己辯解自己中文有幾咁差。但最後係佢俾個官「審」左一輪，然後最終都認為佢中文程度無問題，所以要繼續留低。

之後各個陪審員宣誓完畢之後，其它未被選中既「候選人」亦都可以離開喇！其實我都慶幸自己未被選中，因為真係怕自己未有足夠分折能力/思考能力去應付呢！