遊鰂漁涌公園

過開北角娘家，於是帶潼潼去鰂漁涌公園玩一陣。

呢個公園我地都黎過幾次喇！但係竟然無發現呢度有個好好玩既「手動海盜船」

呢個海盜船係大人既「推波助瀾」之下都盪得幾高架！而且其中一邊既座位係無扶欄又無安全帶，所以我個人覺得如果推得太高既話，其實都幾危險。我就唔係咁滿意有D大人剩係卦住要較大既小朋友玩得開心，就將船推得高高，而無照顧到其中年紀較細既小朋友既安全。不過潼潼爸就話覺得無問題咁話。

至於潼潼呢，佢太細個喇，一定要我地扶實佢先敢俾佢玩。我最初都擔心佢會被嚇怕，點知個衰妹玩得鬼咁開心。反而搖得細力既時候顯得有點呆，真係無佢修。