去圖書館

估唔到潼潼爸今次會有咁有建設性既好去處 - 帶潼潼去圖書館。

而家d天氣真係反常到令人擔心，出門口果陣仲係好曬，特登同潼潼帶番頂帽仔型下，點知去完麥當當食野出黎就個天陰哂，仲要雷暴警告添。

我地今日去將軍澳兒童圖書館。潼潼去到都無好嘈，只係佢唔肯乖乖坐係度睇圖書，而係周圍爬高爬低攪住哂d哥哥姐姐，一時又訓地踩單車，一時又做哂動作唱歌仔，不過附近d哥哥姐姐﹑姨姨叔叔都無人理佢喎。唔知潼潼會唔會諗：點解今次我唱歌仔無人讚我叻既？