大懵媽媽

今日潼潼媽請左一日假，為既係想親自帶潼潼番健康院，聽下姑娘對潼潼既評估。誰知.... 潼潼媽竟然睇錯左時間，仲要係遲左兩個小時。去到健康院無得睇，感覺好無奈，仲浪費左一日假期。唯有接受，約左下星期再番健康院。阿Q地跟潼潼講：又多一個星期俾你練習下喇！

***********************************************************

晚上同姐姐帶潼潼去SUPERMARKET買野。潼潼好似搬貨工人咁，乜都要搬，最後更逐個逐個橙搬去我地既購物車 - 嬰兒車個籃度。經過既一位太太見到，打趣咁同潼潼講：你買咁多橙，有無錢架？呢個時候潼潼竟然轉頭望住我叫左一聲「媽媽~~」大家見到都係度笑。唔知潼潼呢聲媽媽係咪真係明白咩叫俾錢呢?

************************************************************

今日潼潼學識左講「唔該」。而家潼潼「多謝」同「唔該」都學識左喇！希望佢以後亦會多Ｄ講呢兩個詞語啦。