晴朗天氣

剛過去的星期六﹑日天氣都不好，今天難得好天氣，相信好多爸爸媽媽都會帶小朋友出外逛逛。

今日四點幾先帶潼潼去公園，但係天氣仍然熱得不得了。潼潼媽嚷著要先到室內地方避避暑，所以我地先帶潼潼去冒險樂園玩左一陣，然後先再番落去公園玩。

途中潼潼要搶姐姐既飲品解解暑。潼潼，媽媽都唔係咁贊成小朋友飲呢類色素+糖漿飲品，不過間唔中一次，就算你一次咁多啦!

 

潼潼去到公園，最鐘意就係玩滑梯。以前潼潼玩滑梯都係訓係度滑落去，而家大個女喇！可以坐直身滑落去喇！

 

唔單止係坐o係度玩滑梯，潼潼仲會自己扶住扶欄上樓梯玩滑梯添。

跟住同潼潼玩肥皂泡。今日天氣真係好熱，潼潼又周圍走，所以玩到個人濕哂，仲好「支力」咁既樣添。

 

今晚番到屋企，潼潼食得特別開胃，訓到特別快，無再扭捏子。所以話呢，小朋友都係多運動比較好。