窩心的一句

潼潼到左而家都仲係好多時會係半夜既時候睡醒，然後「依依呀呀」咁叫，要我抱起佢跟我地一齊訓。通常佢半夜睡醒既時候，當然我係第一個會起身睇佢果個。

尋晚凌晨時候，當我仍然努力係電腦面前既時候，突然聽到潼潼o係房入面叫「媽媽！媽媽！」叫左好幾聲，我即刻走入去睇佢。入到去潼潼已經企左係床邊，我抱起佢放係我膊頭，輕輕咁拍下佢，安撫左佢之後放低佢，咁佢好快就訓番喇。

今次係第一次潼潼係半夜睡醒既時候會叫「媽媽」。o係佢訓到半夢半醒既時候，仍然會想起搵媽媽，感覺好窩心呢。