今日潼潼番健康院檢查。
原來潼潼之前打開私家既五合一同六合一防疫注射，所以都要番私家疹所繼續注射埋呢支歲半打先配合到之前既預防疫苗。所以今次潼潼番健康院，主要都只係進行發展評估。
一開始潼潼先去磅重，係9.7kg，即係21磅左右，潼潼年頭已經係20磅大右，其實無乜點重過。
跟住姑娘就俾左個洋娃娃叫潼潼餵洋娃娃食野，而姑娘就趁呢個時候用好快既速度問左我地好多問題，多到我都唔係好記得佢問左d乜。係姑娘問潼潼識自己講(唔係跟人講)咩說話既時候，我一時間都答唔到好多。
仲有問下潼潼識唔識自己食飯咁。
不過潼潼好似知道自己俾人考緊咁，成個過程都出奇地合作。首先姑娘俾左個洋娃娃同匙羹俾潼潼，潼潼就好自動咁餵洋娃娃食野；然後俾幾件積木佢叫佢疊高，佢又真係好快咁疊好三舊積木（我之前係屋企試過叫佢砌高高佢都唔理我
）；我又問潼潼邊度係眼睛，潼潼就即刻指住自己眼睛（平時又係唔多啋我
）。到最後我地要走喇，潼潼仲識得同人講拜拜。真係好神奇！！
整個過程都好順利，姑娘都讚潼潼精靈醒目
，下一次番健康院就會係四歲既時候，三歲半既時候要約時間喇！
潼潼媽, 得咁少嘢睇咋 不過, 潼潼ger 表現係無容置疑ger. 我好多時係健康院都會比姑娘問到答唔晒架.
回覆刪除[版主回覆07/29/2008 00:16:00]佢係咁一輪咀,佢仲有問過潼潼識唔識自己用杯仔飲水囉,其它真係唔記得咯。哈哈!
四歲有得返健康院嗎? 我又call去問下先 :p
回覆刪除[版主回覆07/29/2008 00:15:00]係呀!可能聽漏左四歲要番去睇。佢地叫我三歲半左右就打電話番去約時間,我諗津津都差唔多要約時間四歲番健康院架喇
我哋間院ger 姑娘話四歲生日過後至打去約都唔會遲喎. 我諗, 主要係媽咪自己認為小朋友一路ger 發展理唔理想同有冇問題啫. 如果想自己觀察耐少少就過咗生日致約囉. 如果佢哋發展得好好, 咪早d約然後早d見姑娘, 了咗d 心事囉.
回覆刪除係喇, 潼潼呢半年點解冇乜點重到ger? 佢冇胃口咩? 小怡去磅重都係9.7kgs. 喎. 潼潼幾高呀? 姑娘冇叫小怡度但係我自己順便捉埋佢度高, 佢高度係100.4cm 囉.
[版主回覆07/29/2008 23:10:00]潼潼正餐既食量都好飄忽...
小怡100.4cm....? 怡怡媽係咪睇錯左呀?潼潼好似仲未高過80cm,等我有機會既時候幫佢度度先
我記得年幾前我打電話去問, 佢就話無乜問題就唔駛返去咁... 我今日再打去問下先, thanks
回覆刪除[版主回覆07/29/2008 23:11:00]我見bk好多媽媽都話四歲再番去架，你真係要問問喇
下, 小怡100.4 cm???? 怡怡媽係咪打錯字呀~ 巨b
回覆刪除茄姨姨, 100.4cm咋喎!
回覆刪除[版主回覆07/30/2008 23:15:00]怡怡媽~ 100.cm好高架喇!去到門柄位。你係咪講緊大怡咋!不過大怡都未必有咁高喎!
0 可能我記錯咗, 等我同佢哋度度先!
回覆刪除