Office Manager - 虛名一個．．．．

老闆上星期去美國「述職」番黎。

因為公司轉左新logo，咭片有新design，英文版本仲有埋title添，為左更加一體化，今次老闆去美國順便跟果邊既同事商量一下title中所用既字眼。講到我既title... 其實我初初見工時，公司請既只係一個普通既shipping clerk，而當時offer俾我既人工亦只係9000蚊，可見當時公司要既呢個職位係幾咁微不足道。因為只係2人公司(我 + 我老闆)，所以兼顧既野越黎越多，漸漸我都唔係咁清楚自己既實際身份係咩，曾經被改作為Acc & Admin Executive，但我仍從來無用過呢個title，反正做既野都係一樣。

今次老闆再review我既title，佢竟然話：「你既工作主要係account，但係又有d「九唔撘八」既工作.... 」佢竟然用上「九唔搭八」黎形容我既工作範疇 ，「所以跟佢地(美國總公司)叫法，大家都覺得應該用Office Manager。」

Office Manager???????? 唔係呀嘛?????  我只係一名小小既職員咋！仲細咩，你俾我用到「Manger」既title又點？做既野咪又係一樣，又唔算係升職喎，反而心理壓力好似大左，負擔大左。你話呢個title係負責咩工作，諗深一層，咪又係一個大打雜。

其實乜都假，最緊要今年加人工會加幾多就真。