而家潼潼好會使脾氣，動輒哭鬧發惡，令我不得不開始正視潼潼既教育問題。唉！我諗，原來我係享受左一年唔夠既蜜月期。（照顧小朋友真的比嬰兒更複雜困難呢！）
潼潼脾氣好大，我實在唔明咩原因，只有自我反省過去用既方式係咪有問題。平時潼潼做左D唔應該做既事，雖然我不至於會好大聲咁鬧佢，但係都會用比較重既語氣喝止佢。不過而家見潼潼成日都咁惡，會唔會係因為我地成日對住佢惡既原故呢 
而家唯有嘗試改變自己用既方法，每次佢使脾氣，我都用平和既語氣同佢講唔可以咁樣，如果佢係想要某一物件，我就要佢靜落黎先會俾佢。剩係今日同佢落去公園一陣間，已經唔知有幾多次同佢講道理，叫佢唔可以咁樣發脾氣。
希望潼潼便脾氣既情況會有所改善啦！
佢唔識講嘢, 需要ger嘢又多咗好多. 再加埋佢想試吓父. 母ger bottom line, 所以佢ger表現會咁囉. 不如試吓當下一次潼潼發脾氣ger時候, 妳講少一次道理, 立即將另一樣妳想佢學懂ger嘢敎比佢 or 比佢玩, 睇吓效果點丫.
回覆刪除好似大怡咁, 佢知道自己使緊脾氣, 我越想同佢講理, 佢越唔理我. 我試吓轉移佢注意力, 佢即刻好翻晒, 唔再亂嚟.
新年快樂!!!!
回覆刪除Myspace Glitter Graphics
回覆刪除