「媽媽！！！」

「媽媽」﹑「爸爸」﹑「姐姐」潼潼都會叫，不過平常都係隨意亂叫，對住姐姐叫「媽媽」，對住媽媽時叫「爸爸」或者「姐姐」，大部份時間都隨口咁叫住「爸爸」。總之就係隨佢心情喜好而亂叫。

今晚晚飯既時候，潼潼又係咁纏住我腳下要我分食。　佢一邊扯住我既褲，一邊叫住「姐姐」，我無好氣咁同佢講「唔係姐姐呀！」點知佢突如其來的大叫一聲「媽媽！！！」哈哈哈～　笑死我喇！我同姐姐都俾佢笑死　　佢好耐都無試過咁清楚咁叫一聲「媽媽」，或者潼潼真係覺得我地好麻煩，所以係好不耐煩咁應酬我地一聲「媽媽」啦！

呢個囡．．．　有時似懂非懂咁，真係俾佢笑死。