遊鰂魚涌公園

呢日又係帶潼潼去公園喇！點解成日去公園？因為小朋友真係多d要出街先學到野，而且潼潼每次去公園都玩得好開心。

潼潼真係大個女喇！而家都知道出街有得玩，所以都唔會成日掛住訓覺，去到公園仲成日周圍走無時停，真係想同佢影番張相都好難。

今日潼潼都好叻呀！識得自己爬樓梯上去滑梯度。雖然會整污漕條裙，不過我都唔係太介意，裙污漕左係可以洗，最緊要係有機會俾小朋友學到野。潼潼今日仲識得同其它小朋友打招呼添！

呢個公園仲有樣好，就係入面有個小斜坡。其實俾小朋友走斜坡都係一個好好既訓練黎架！

呢日潼潼玩得好開心，玩到唔願走。不過佢都好攰喇，我地放低佢係車仔無耐佢就訓著左lu。