萬勝節面具

吉之島十蚊店已經加價變十二蚊喇！不過而家通脹咁勁，加到十二蚊其實都唔過份。下晝我地就係去左十蚊店搜購喇！

雖然先岩岩踏入十月，但係商鋪都已經賣緊萬勝節既商品。潼潼就揀左兩個面具試戴。

幫佢影左相等佢自己睇效果，佢最後揀左橙色既南瓜頭面具。潼潼好喜歡呢個面具，要立即戴住係街度行，不過好彩只係戴係頭上面唶！雖然係咁，但係其實都好熱架，潼潼要不斷咁戴下又除下，但係佢都堅持要繼續戴住，可見佢真係好喜歡呢個面具。

咁快就戴住個萬勝節面具通街走，其實真係幾攪笑。