處理情緒

 

星期六參加左潼潼學校辦既一個講座，題目係「作孩子的情緒教練」，講者係心靈梯培訓總監余國健先生。



其實去年都有類似既講座，不過我就無參加。記得潼潼仲係手抱時，得健康院姑娘介紹，叫我去參加一個健康院攪既乜乜輔導班之類，於是就請左假去。點知去完覺得勁無聊，入面既內容對於我黎講其實只係一D育兒常識，竟然仲有媽咪會問係咪可以俾小朋友邊玩玩具邊食飯。感覺去呢個講座係浪費時間，之後就對呢類活動好抗拒喇。

今次考慮參加學校辦既情緒輔導班，一個原因係呢排我為左處理潼潼既小姐脾氣好頭痛  ；二黎係見入面既內容似乎有我未知既部份；再加上潼潼爸竟然願意二人同行，所以就報左名喇！

不負我所望，講座內容生動有趣，亦好實用。縱然潼潼爸聽完之後堅持依然固我，但我卻感覺穫益良多。就等我係度做少少記錄，當作分享也好，當作俾自己既筆記亦好。

認識情緒　

情緒只有正負之分，並沒有好壞之分

情緒由右腦管控，當情緒高漲時，右腦充血。呢個時候可以多ｄ問小朋友問題　（你幾多歲？四歲幾多個月？點解唔鐘意，係咪因為ＸＸＸ），讓小朋友用左腦既邏輯思維平伏番情緒

保本行動　－　管理好自己既情緒

調整觀念

當小朋友鬧情緒時，父母不應對孩子有以下期望
孩子不應對父母無禮貌
孩子是講理的　（不要嘗試在呢個時候同孩子講道理）
鬧情緒是不好的
孩子不應該駁咀
父母講過一次，孩子就應記住　（「都講過幾多次了，你仲係要再犯」呢類番舊帳說話不宜說）

認清扭計及傷心

處理方法　（我覺得好有用）
認清問題所在，俾我知道要劃分清楚小朋友鬧情緒要分清三個唔同情況，有三種唔同既處理手法。
１　家長感到困擾　－　例：孩子唔肯飲水
　　家長回應　－　運用「我的訊息」。例：我擾心你飲太少水會去便便好辛苦
２ 孩子感到困擾，需要支援　－　例：孩子心愛的玩具不見了
　　家長回應　－　共情回應。例：下？唔見左呀？咁點算呀？會唔會擺左係茶几到？（同理心 / 積極聆聽）
３　孩子感到困擾，找父母發洩　－　例：想買玩具遭拒絕，賴皮不走
　　家長回應　－　果敢的溝通

情緒輔導四步曲
呢個好熟喇！有睇過《HOW TO TALK SO KIDS WILL LISTEN & LISTEN SO KIDS WILL TALK》呢本書既都應該好清楚，書入面有更詳細既闡述。
- 全神聆聽
- 確認感受/想法/需要，但否定不當行為
- 感受形容詞
- 展望將來/給予希望 (講者舉例佢開左好多「支票」俾小朋友，例如今次唔舒服無得食雪糕，可以開張雪糕換領券俾小朋友，下次病好時可以拎出黎用)



後話:
有d方法我當晚已用上了，好管用。(係屋企樓下，潼潼發緊脾氣話我曳，我不斷擾亂佢問：係咪媽me咁樣曳，如果咁樣係咪唔曳，潼潼咁樣乖，係咪..........，潼潼俾我問到有少少文，話我係度亂講　。最後番到上屋企時雖然面上仲有滴眼睙，但係已經無再發脾氣喇）但講者余先生講得岩，學做父母係學一世都唔夠，希望有機會碰上更多有質素的講座啦。

學習冷靜

呃完文章，又寫下自己o既故事。

潼潼係個自專心強又好勝o既小朋友，平時每有人批評佢，甚至只係提醒佢既時候，佢都會表現不悅。

岩岩過去o既星期六早上，我﹑潼潼同姐姐o係房一齊玩一款數字牌既遊戲 - 魔力橋 (Rummikub)。當然，潼潼玩得唔係咁純熟，需要提醒。有次我提醒佢可以點出牌既時候，佢雖然明知我係正確，但都堅持不依，話唔可以咁樣做。最後發脾氣話唔玩，仲要唔俾我同姐姐繼續玩落去，想要搗亂玩緊既數字牌。

我努力捉住潼潼，唔俾佢破壞我地o既遊戲，但係佢開始亂撒野，一直掙扎叫喊。我叫姐姐拎張椅入黎，要潼潼坐係度冷靜下先。潼潼繼續唔肯停落黎，無論我叫見佢坐好，企好，佢都唔肯，有點不受控地掙扎亂叫。最後我叫姐姐將d牌搬出廳，我同姐姐出去，等潼潼一個人係房度冷靜。

潼潼期間都嘗試要出黎，唔肯留係房度，但係我都努力阻止佢，唔俾佢出黎，於是佢就係房度一直喊，而我都出左廳無理佢。

慶幸o既係潼潼係女仔，比較嬌嗲。隔左一陣，就聽到潼潼係度叫「媽me~ 媽me~ 」。我入到房若無其事，好溫柔咁問佢「你冷靜完未呀?」但係佢竟然喊住咁問我要把扇 之後仲話要訓覺。我輕輕掃下佢個頭，叫佢好好訓一陣。(中間過程唔係記得太清楚，總之入過房睇佢一兩次，問過佢情況，俾佢知道我唔係罰緊佢，而係等緊佢冷靜落黎)

最後呢，潼潼當然無真係訓著，佢係入面休息左陣，就無事咁番出黎睇我地玩魔力橋。

我知道呢件事上面，可能我係一開始時處理得唔係咁好，導致潼潼既情緒有點一發不可收拾。不過因為類似經驗都有好幾次，潼潼開始懂得自己需要「冷靜」，clam down o既時間亦都短左，咁都算係成功左一半。不過作為家長，真係要好有耐性同高EQ去接受佢地果刻既情緒。

事後我都教導番潼潼，佢唔開心時可以發洩，只係唔可以破壞﹑唔可以傷害到其它人，同埋唔可以傷害自己。希望佢慢慢會學懂。

不打不罵孩子 (III)

對於打罵小朋友，大人好多時會解釋係自己「脾氣唔好」而控制唔住。作者對呢一點寫得好到肉。

一位小学生的家长来找我咨询。她经常打孩子。她对我说，每次打完孩子都非常后悔，但自己脾气不好，一遇到孩子惹她生气，就控制不了。我在做了一些相关疏导后，说了几句比较刺激她的话：你可以非常诚实地在内心想一下：单位领导惹你生气时，你会去骂他吗？你的兄弟姐妹或同事让你不高兴时，你会动手去打吗？其实，人在做出一个行为时，往往瞬间就能把结果判断出来。家长如果说在孩子面前忍不住脾气，因为你心里早已清楚，你打孩子一顿，既能解气，他又不会把你怎样。你在孩子面前是权威，是主人，你不用担心打人的后果，所以你就总是“忍不住”。

可以睇得出，其實大人打罵小朋友，完全係恃勢凌人既行為。

有無興趣睇睇呢本《好媽媽勝過好老師》? 一搵之下，原來網上幾多免費資料 -- 如果你唔介意睇簡體的話。

作者既BLOG:
尹建莉新浪博客:http://blog.sina.com.cn/yinjianli2008
尹建莉腾讯博客:http://1207185716.qzone.qq.com
尹建莉网易博客:http://blog.163.com/yin_jianli

線上閱讀
http://read.dangdang.com/book_1742?ref=read-3-C
http://vip.book.sina.com.cn/book/catalog.php?book=90879


睇繁體就要去書店買喇！

不打不罵孩子 (II)

唔係我固意呃文章，只係怕連續三個故事會太多字，大家會無心機睇。

以下係作者朋友既故事，同作者既睇法。


男老乡无意中说起最近把读初中的儿子打一顿，因为儿子把刚买的一千多元的进口山地车丢了，车子才骑了一个月。

　　唉，这也是打孩子的理由吗？这时我想到，我刚花7000元买的摄像机，镜头被圆圆不小心摔坏，换一个就花去2000元，而我一句都没说她。甚至都没说一句“以后注意点”这类提醒的话。摔坏的一瞬间，孩子看出来我有多难过，她自己也很难过，这就够了。难道因为我没给她一个告诫和提醒，她以后就不知道要小心吗。家长少说废话，孩子才会认真对待你有用的话。

　　孩子闯祸都是无意的，为什么我们不能原谅孩子无心或无奈下所犯的错误呢？而且，孩子闯了祸他自己心里就很痛苦，有内疚感。家长的打骂只是让他没有自尊，觉得大人更爱的是那损失的钱和物，他感受到大人不体谅他，心里生发出逆反情绪，同时也失去内疚感——经常这样来“教育”孩子，他怎么可能不变得越来越不听话，越来越对什么都满不在乎呢？

　　我开玩笑地问这位老乡，你上次丢了手机，那手机好像挺贵的吧，回家后老婆打你没？他知道我是针对他打儿子的事说的，笑了，说：怎么能把我和儿子放到一起说事，他是孩子，我是大人啊。打他是让他记事，是为他好——家庭教育中这种强盗逻辑很多，打孩子说成是“为孩子好”，撒恶气说成是“教育孩子”。打了人还要把这说成是“爱”，让被打的人来领情——天下有这么不讲理的吗？


咁o既情況下鬧小朋友，好老實講，好多時都係純粹為自己出氣。不過我都未必次次會惡潼潼，只係如果我唔惡潼潼，好多時會反過來我俾人話我縱容個囡﹑話我唔識教囡囉！

不打不罵孩子 (I)

潼潼媽o既生活真係好枯燥，每日生活簡單平凡，無乜特別野可以寫，就黎呃文章喇!

最近睇既一本書《好媽媽勝過好老師》，覺得真係一本好書，入面寫既好生活化，好實用。而且係2009年既出版，所以講既野令人有親切感，容易投入。

對「不打不罵孩子」，書入面其中一篇「不做穿西裝的野人」中就有三個故事，我覺得好有啟發性，所以從網上節錄出黎同大家分享。

以下係作者自己既親身經歷同佢既做法。


记得圆圆在三、四岁时，有一次她和我到超市，她要买一种加了很多色素的饮料。可能是她看到别的小朋友喝这个，而这是我坚决反对的。我很肯定地告诉她这个不能买，不卫生，无论什么时候都不可以喝这个。她当时为此很生气，不肯离开那个地方，最后干脆躺地下哭闹。

我不生气，就像平时看她玩沙子一样，若无其事地等着她。在等的过程中我还看看别的商品，和营业员说句话。她发现我不生气，不在意她的脾气，哭闹得更厉害。

地面很凉，也脏，她的衣服全弄脏了，路过的人都在看她。我沉着气就是不着急，待她哭不动了，我蹲下身，用商量的口气问她，咱们走吧？她见我来关照她，又开始哭闹，我就又没事人似的站起来，在她跟前溜达等待。

这样几个回合后，她没劲了，我又蹲下微笑着问她，好了吗，可以走了吗？她意识到再闹也就这样了，乖乖地站起来。我拉着她的小手，就像事情发生前一样，高高兴兴地走了

我连一句批评的话都没说，也没再给她讲道理，因为道理刚才已经讲过了。圆圆此后再没提起过要喝那种饮料。而且，凡是我态度肯定地说不买的东西，她就不再坚持，非常听话。

对付小孩子其实多么简单，孩子哪里用得着去打骂呢。每次小冲突都是他的一个学习机会，家长耐心而真诚地去解决一个小冲突，也就解决了此后一系列的问题。

打骂是教育中最坏的办法，我从不相信那些声称「不打不成才」,「棍棒之下出孝子」的人真的有这样一种信念上的诚实。这种野蛮的教育方式其实完全没有任何「教育」要素，它只是让父母出口恶气。


其實好多時候大人就係欠缺作者o既耐性去等小朋友，只想用打罵去見到即時o既效果。

至於鬧小朋友係咪真係為自己出口惡氣？對於我黎講，都未必係，因為我有時都會扮惡鬧潼潼，但其實果刻完全唔係嬲佢，仲忍笑忍得好辛苦添!

衣服配襯

我地屋企地方淺窄，潼潼到而家都無佢自己既房間，更加無一個配合佢高度既衣櫃。每次拎衫都係地幫佢拎，或者佢俾自己指住黎揀。

潼潼媽又好懶散，照顧得潼潼唔係咁週到。有時掛住自己裝身既時候，就無乜點理潼潼。呢日又係咁，準備出街，顧得掂自己就理唔到個囡喇！到潼潼叫我既時候，我望下個房，剩係見到衣櫃開左，同埋有張凳仔係度。之後再去另一間房，見到潼潼排好兩件衫，然後問我襯唔襯。原來潼潼已經自己從衣櫃都揀好衫同埋拎左落黎放好添。

呢件就係潼潼揀既衫喇。其實顏色配搭都ＯＫ既。不過其實入面果件係配legging既衫款黎，比較長。但係為左唔想打繫潼潼既第一次，我都即管幫佢試下著。

 

還可以罷?後面咁岩有個小蝴蠂，將佢放埋出黎仲好趣緻添。



見睇落都唔算太差，就一於就咁帶潼潼去街街咯。好!! 出發!!!!!

畫畫的進步

 

呢日同潼潼去完遊樂場番屋企，潼潼媽已經唔係好願郁，不過潼潼依然唔肯休息訓覺。姐姐放假，爸爸訓緊覺休息，我亦係梳化到訓著左。係無人理潼潼既情況下，潼潼乖乖咁自己拎圖畫簿出黎畫圖畫。

咦?唔係話潼潼媽訓著架咩?點解幫潼潼影到相既? 係呀! 因為潼潼拎畫簿出黎既時候發現小昆蟲而向潼潼媽求救，所以我醒左囉! 不過之後潼潼都係自己坐係度乖乖畫畫，無騷擾媽me，而我竟然可以靜靜咁自己係度上網。爸爸訓醒行出黎見到都話無諗過會見到呢個「奇景」呀!!!

呢幅就係潼潼畫好既圖畫喇!



爸爸大讚呢幅圖畫呀!!! 話進步左好多，起碼睇得出潼潼畫緊乜咁話。

小朋友有左信心，做野真係唔同d架!!!

遊坪石遊樂場

呢個重陽節假期，我地帶潼潼去恐龍公園 - 坪石遊樂場。

呢個公園其實有主題 - 恐龍，我都係睇其它blog友既blog先知呢個公園。本來之前都想同潼潼去，不過夏天又怕太熱，早個星期日又落雨，所以今日先可以同潼潼去。

睇過其它去過呢個公園既人寫既blog，都知呢個公園其實都幾難去。多謝爸爸揀左一條易行既路線，我地先可以唔太辛苦就去到呢個公園喇！！如果唔係我去到之後未玩都已經謝哂!!

呢個公園都幾特別，不過睇番我地影d相，完全影唔出個公園既特色添！

畫班

一向覺得潼潼無乜畫畫天份。一般三﹑四歲時小朋友就開始在塗鴉階段，喜歡亂畫，會畫上周圍遇件既物件，但係潼潼依然不願畫。功課既塗色部份，經常出界又多留白，又每每表現得無耐性。潼潼媽不敢勉強，只有不斷鼓勵。最初鼓勵潼潼用色多左，之後係少出界，又或者漏白少左，等等.....

暑假期間，唔知點解潼潼突然向我提出想學畫畫，我當然贊成。想俾潼潼好畫畫，全因為我功利地想潼潼練好手指仔既力度，等佢將來練寫字時比較易掌握。不過因為當時為潼潼報左d暑期班，我唔想佢d活動排得太緊密(竟然呢個年代仲有咁既諗法既媽咪)，所以準備放完暑假先為潼潼搵畫班。

開學之後，潼潼學校有興趣班可以報讀，但需以抽籤形式報名，我就不妨一試。幸福地可以報到畫班，以後逢星期二放學後就留係學校上畫班喇！

呢日係潼潼第一堂既畫畫班。咦？唔錯喎！真係潼潼既作品？

樹上無留有白色，滿滿既綠色唔係單純既一隻綠。樹幹上﹑草地上亦有深淺色既部份。哈哈~ 其它媽咪見到可能覺得好小兒科，不過潼潼畫到咁既畫，我已經十分意外同滿意喇! 估唔到學校既畫班又幾認真喎!

希望之後潼潼係畫班上可以好好緞練一下佢既畫功啦!

萬勝節面具

吉之島十蚊店已經加價變十二蚊喇！不過而家通脹咁勁，加到十二蚊其實都唔過份。下晝我地就係去左十蚊店搜購喇！

雖然先岩岩踏入十月，但係商鋪都已經賣緊萬勝節既商品。潼潼就揀左兩個面具試戴。

幫佢影左相等佢自己睇效果，佢最後揀左橙色既南瓜頭面具。潼潼好喜歡呢個面具，要立即戴住係街度行，不過好彩只係戴係頭上面唶！雖然係咁，但係其實都好熱架，潼潼要不斷咁戴下又除下，但係佢都堅持要繼續戴住，可見佢真係好喜歡呢個面具。

咁快就戴住個萬勝節面具通街走，其實真係幾攪笑。

鼓勵與讚賞

有時「讚賞」係潼潼身上真係好work架!

好似呢日朝早做功課既時候，我就曾經讚賞過潼潼其中一份功課入面填d顏色填得好好 - 好小心無出界，同埋填得好充實，無漏白色空位。之後我就由得潼潼繼續自己做功課。點知之後一睇，潼潼好有心機咁將原本只係連線既功課再配上顏色，而顏色係剛好跟連線一樣將正確地將字母配成一組。

唔知老師會唔會欣賞潼潼呢份功課，反正媽me就好欣賞咯！