家居新春佈置

今年潼潼媽真係好懶惰 (好忙)，辦年貨同佈置家居都係年卅先黎做。今晚食完團年飯番屋企，先去附近買年花，然後係屋企胡亂地狂貼揮春了事。 不過當中不乏潼潼既傑作。

呢個係潼潼係學校既作品，我覺得都幾靚，加上為左對潼潼既努力表示認同，我幫佢貼左出黎。

潼潼都周圍貼左唔少揮春，連雪櫃門都貼埋 ，不過我地都由得佢。 下面個大衣櫃既揮春都係佢既大作。雖然貼衣櫃就古古怪怪，不過都幾有凌亂美丫。