舞獅表演

新年特別多舞獅活動，之前係東港城都碰到一次舞獅，不過當時已經表演完，獅仔向各商鋪賀年，所以無乜野睇。今日係新都城就碰岩開鑼，可以同埋潼潼去湊熱鬧。

呢次舞獅表演真係精彩，除左紙炮，仲出動到煙霧同吹泡泡，視覺效果唔錯。連潼潼咁怕嘈，都寧願一邊掩著雙耳，一邊繼續欣賞。表演隊伍好醒目，表演完畢後將個獅頭舞向大家，大家都紛紛湧去摸下個獅頭攞個彩。佢地真係好好人，仲來來回回好幾次，以滿足所有圍觀既人。

最後仲俾人影相添！

其中一條獅仲同潼潼玩，張大個口將潼潼個頭都放左入獅口入面（大吉利是）。潼潼話佢唔驚，佢話知道係人扮架喎！只係怕嘈唶！