兩歲三個月既潼潼係過去一個月突然高左好多，係因為發燒發骨節 
，還是好似爸爸所講因為佢最近飲多左奶呢?
兩歲係小朋友既語言敏感期，潼潼踏入兩歲既第三個月亦都好似突然識講左好多野，一D我地無諗過佢會識講既說話佢都會講，有時都幾令人驚訝。
係呢個時期，潼潼媽係兒歌CD中加入左普通話既系列。潼潼似乎都幾鐘意，有時都會跟上一兩句。係呢個時期學既如果以後不加運用，可能將來未能完全記得，但係起碼佢對呢種腔調有印象就好了。
唔知點解，潼潼媽總覺得兩歲係幼兒一個重要既轉捩點，可能係因為呢個階段，小朋友係開始對「我」有概念。由乜都唔識，開始有佢自己既意思，要學好多好多既野。潼潼媽好怕係呢個階段做得唔好，唔夠努力，就錯過潼潼既最佳學習時機。
但另一方面，又好唔捨得潼潼天真既笑聲。見佢因為一D無聊事都笑得卡卡聲，我就想佢永遠都係咁開心，怕佢過於成長。
矛盾的在職媽媽開始進入「早教」既迷思：早教好呢？還是好好增取僅有既時間同潼潼親子一番，好好的笑一晚比較好呢?
沒有留言:
張貼留言