入戲院睇戲

潼潼兩歲三個月大，一直都唔敢帶佢入去戲院睇戲，不過潼潼媽就見過有D媽媽帶兩歲小朋友入戲院都無乜問題，所以膽粗粗試下。

今次帶潼潼去睇「天煞撞正怪怪獸」3D版。潼潼都算幾乖，肯帶住副3D眼鏡靜靜咁睇戲。不過越睇越唔對路，潼潼媽以為呢套片會有可愛卡通同埋攪笑片段，但係一路睇落去，發覺呢套片其實唔岩太細個既小朋友睇。一個半小時既電影，睇左一個鐘左右潼潼就嗌「走喇，唔睇喇，去街街！」潼潼媽都覺得套片唔太吸引，所以帶左潼潼離場去左附近既反斗城等爸爸。

其實今次經驗都唔太差，潼潼入戲院唔算扭計，亦都無好嘈亂叫。如果真係有合適既電影，我諗帶潼潼去睇都無咩問題。