益智玩具特賣場

潼潼媽又買左圖書俾潼潼。

老實講，潼潼既圖書確實已唔少，早前姨媽在家選左廿多本書轉送俾潼潼呢！但係潼潼媽見到話星光行有益智玩具特賣場，所以又過左去睇睇。去到原來主要都只係賣圖書同光碟。最後揀左４件俾潼潼。

呢盒係一套玩泥膠既工具。

喜歡佢有埋一D簡單既製作示範

然之後有呢本「手袋」書，岩哂貪靚既潼潼。入面放仲好多手袋入面會放既物件。平時可以俾潼潼帶出街，無野做果陣可以拎黎玩下，唔好剩係顧住啜手指。

然後仲有兩本書，一本講顏色，一本講圖形，兩本入面都有好多少機關。例如拉扯公仔，掀開紙頁，同埋唔同質感既圖畫等等。

潼潼媽對今次收穫非常滿意，希望潼潼會喜歡啦!