PARK HOTEL自助餐

今日係我同潼潼爸結婚5週年紀念，潼潼媽竟然忘記左，仲同潼潼爸爭辯話應該係12月4日添！　點解會記左做12月4日既呢?

買完潼潼D「益智玩具」之後已經差唔多9點，我地行過幾間食店之後，選定了PARK HOTEL既宵夜BUFFET。

BUFFET既主題係海鮮。除左有翅食，有長腳蟹，比較驚喜竟然係有大閘蟹食。呢餐豐富喇，潼潼媽幾乎只係食海鮮，不過為左擔心海鮮唔飽肚，所以加左塊薄切西冷。塊西冷都唔錯，有潼潼媽鐘意既牛羶味。

到差唔多食完，潼潼媽見出面都無乜長腳蟹剩，潼潼爸就幫我問下仲有無長腳蟹，個侍應幫我地問完番黎話大約等15分鐘。過左好一陣了，都未見佢有再FILL，咁潼潼媽就唯有轉攻甜品。點知食食下個甜品既時候..........

唔係呀嘛?!?! 乜佢真係整隻長腳蟹捧上黎呀? 我已經好飽喇喎!!!!!!

最後我同潼潼爸好努力咁將隻長腳蟹KO左(主要係潼潼爸負責)，不過大家都食到好飽好飽!!!!

呢餐賣單連貼士係$330，呢餐一定值回票價啦。