遊戲活動

早前潼潼媽係提過為潼潼報左幾個小組活動，其中有一個係協康會既感知遊戲活動要以抽籤形式作篩選。今日有結果喇！潼潼媽打電話去問結果，點知係失敗左，失望到連點樣辦退款既程序都忘記左問。

之後打電話去MUSICAL WAY ART CENTRE，還好有個好消息，潼潼既報名已經接納左，下個月潼潼有佢鐘意既音樂活動玩喇！

之後潼潼媽又再嘗試睇下仲有無其它活動可以岩潼潼，不過發覺真係好難搵。貴既當然俾唔起，平果ｄ又路途遙遠。其實將軍澳係一個新區，呢區真係好多好多小朋友，可唔可以有多ｄ非牟利團體入黎辦活動呢？

請各位blog上既媽媽幫幫忙，如果知道將軍澳區有邊d又平又好活動岩兩歲大既小朋友，麻煩報報料啦!