聖誕留影@將軍澳

尋日陪婆婆，今日陪嫲嫲。我地繼續拎住相機同潼潼周圍影相。

我地首先去屋企附近既東港城。潼潼唔係對咁靚既聖誕佈置有興趣，佢只係對上面既波波有興趣。潼潼對波波既鍾愛就黎可以用「瘋狂」黎形容呢！

想潼潼企定定俾你影相？依然用舊方法，放佢係D佢郁唔到 / 唔敢郁既地方。 不過個樣就會好呆...... 真係投哂降。

跟住再去新都城，都影唔到幾多滿意既靚相。

其實想影潼潼笑，最有效既方法原來就係.....

冒險樂園囉！

呢個懶玩精，今日玩左成日無訓過晏覺，到夜晚走既時候依然精神過人，真係服得佢好緊要。