今日既行程係MEGA BOX同埋九龍灣IKEA。出發喇!!影番張型仔相先。
有無發覺呢張相既潼潼有乜唔同呢?潼潼係落車無耐，步行至MEGA BOX途中PK左呀，個咀撞到落D石屎路度，當堂留哂血係咁喊，連口入面都係血，我地都唔知係佢出面流血定口入面流血，真係嚇死我地呀!!幾驚佢撞親D牙仔。不過後黎見佢好似都無乜野，不過就個咀仔腫左，同埋無乜心機食野囉!!
行完MEGA BOX就番九龍灣IKEA，本來想幫潼潼物色一張梳化床 (發覺放唔落兒童床)，不過最後都係睇唔岩，就順路過德福行下。
每逢節日，德福呢個商場既佈置真係好唔錯。各位媽媽真係不妨帶小朋友過黎影下相。
通常都係牙仔撞損嘴唇喇. 潼潼, 實係好痛喇 如果係屋企, 攞d 黑糖 (冇就用白砂糖) 同佢up 住, 好快止血架喎. 係外邊就 lei hea D!
回覆刪除[版主回覆12/16/2008 00:26:00]我覺得佢係俾地下撞損呀!佢係咁留血，就算係屋企我都唔知俾咩佢搽，何況係街，只係諗到買罐凍飲俾潼潼敷下個咀仔咋。原來用砂糖係可以既，咁TOUCH WOOD有下次的話都知點做喇。