今日同潼潼出街先發覺潼潼著住出街果對鞋仔原來爛左。本來都諗住幫潼潼置番D冬天用既鞋仔,既然而家對鞋爛左,就過去幫潼潼睇睇啦!
去到揀鞋,先揀左一對白色既皮鞋仔,我地嫌佢略為太FIT,唔著得耐。之後又試左另一對靴。咦?潼潼似乎好歡喜喎!一著上BOOT仔潼潼就照鏡睇睇,然後好滿意好開心咁笑,跟住仲著住對鞋四圍走添。行左一陣,又企番係鏡前面望住對鞋笑。見潼潼咁鐘意,潼潼媽緊係買左呢對BOOT啦!
原來潼潼真係識得咩叫靚。我地著住對新鞋仔走,潼潼就一路行一路低頭望住對鞋仔,連路都唔睇。跟住番到屋企樓下,仲指住對新鞋仔同管理員叔叔講太空話添!
想知潼潼對新鞋仔有幾靚?睇下一篇BLOG既VIDEO啦!
係幾靚喎. 不過, 天氣暧咪會好焗腳囉!
回覆刪除[版主回覆11/26/2008 09:40:00]SOGO減價又掃左對100蚊既皮鞋仔可以換,所以唔會焗腳。
津津都係咁... 女孩子天生貪靚!
回覆刪除[版主回覆11/26/2008 09:41:00]係呀!仲成日要學我拎D LOTION搽面添呀
Sogo 減到咁平? 而家仲有冇呀? 我好想幫小怡買過對sneaker 呀!
回覆刪除[版主回覆11/27/2008 13:29:00]上星期日已經係減價最後一日喇!不過我見過有D商場入面既鋪頭仔都有D鞋只賣$109,不過我想再買大D SIZE (貪心的媽媽想可以著多幾個月)又無大D,所以先無買咋嘛!