今朝一早出發去同婆婆食飯,兼準備影靚相。
我地先去太古城同婆婆食飯,婆婆好失望,同潼潼影唔到靚相,因為潼潼極度唔合作。
之後食完飯落左銅鑼灣行街,去左時代廣場影相。
買左部好既相機唔一定影到靚相。潼潼係咁不停走黎走去,兼且唔鐘意俾人影,會故意擰歪面,所以好難影到佢。
我放佢係呢D木條同花糟位上面,潼潼唔敢行,終於走唔郁企定定,不過咁都唔一定影到靚相,因為潼潼好驚,最後變成咁既驚青樣。
唯有分散佢注意力,引佢睇佢覺得有趣既外牆玻璃電梯。終於影到第一張會笑既相。
呢張相之後仲成功吸引到一位外籍女士過黎要同潼潼影相添!果位女士係咁讚潼潼得意靚女,要佢朋友幫佢地影多幾張合照。
潼潼呢排對「HELLO」「BYE BYE」同飛吻係絕對唔吝嗇,所以都呃到唔少途人,TUM得人鬼咁開心。不過就反而對自己熟悉既人唔多理踩,真係激死人!
bb 大個咗就係咁架, 唔再坐定定受指揮, 越叫佢哋望鏡就走得遠!
回覆刪除潼潼都好主動, 好可愛呀! 佢哋一言一笑都好吸引同好charm架!