其實係潼潼媽大懵，尋晚唔記得要幫潼潼包番片片就俾佢訓覺，所以原來尋晚潼潼係無包片片訓覺架！好彩無半夜賴濕咋！
話時話，而家潼潼好多時都無半夜尿落片片架喇！我諗等佢再大個Ｄ，完全識得表達到自己既時候，就係時機幫佢完全戒片片喇！
********************************
除左唔包片片訓之外，潼潼今晚第一次真真正正咁唔駛大人陪而自己訓覺。我地播住潼潼常聽既CD，佢就咁一面聽住歌仔，一面啜住手指，就係咁訓著左喇！係呀！專家話盡量係小朋友訓著之前離開，訓練佢地既獨立性。潼潼終於成功左喇！叻女！！！
如果潼潼連續兩個星期瞓醒條片都冇濕就可以完戒片架喇. 最緊要大人記得幫佢培養臨瞓前尿尿ger 習慣就得喇, 咁九成九唔會尿床.
回覆刪除[版主回覆12/01/2008 01:24:00]如果係臭臭，都差唔多有九成既時候佢會話我地知。只係尿尿仲未真係會次次都同我地講。希望佢真係可以快Ｄ戒左片片啦！
潼潼叻叻！
回覆刪除[版主回覆12/01/2008 01:28:00]係「開始」叻叻 ，可以完全叻叻就更加好喇！