去銀線灣

今日潼潼爸要番工，我又唔想假日都要潼潼困係屋企，就近近地帶潼潼去銀線灣。由我屋企搭的士去銀線灣，連錶都唔駛跳，真係方便快捷。

經過上次去沙灘既「不愉快」經驗，我今次早有準備，買埋玩具諗住俾潼潼玩下沙等佢習慣一下。有ｄ意料所不及既係，潼潼好快就適應左，一ｄ都唔驚，好快就玩到濕哂，就連褲仔都要除埋。

玩到自己走落海唔肯番上黎。

個傻妹玩到唔願走，又肚餓都唔記得，坐的士番黎果陣己經係咁攬住支奶唔肯放手，飲到番到屋企都仲飲緊無停低過，而且仲飲到唔夠飲添呀！真係好少有。

飲完奶之後，潼潼繼續係地板上面玩掘沙．．．．　

沖涼繼續拎住個水壺唔放。

沖完涼包番尿片既時候都．．．．．．

今次玩得咁開心，爸爸話遲ｄ再帶潼潼去玩過。