面黑黑

原來咁細個小朋友都識得面黑黑。

話說星期日去左同嫲嫲大邊爐，咁係嫲嫲餵緊潼潼食烏冬既時候，我同爸爸﹑姑姐就出左去拎野食，點知拎完野食番黎嫲嫲就投訴喇！原來潼潼見我地個個走哂，就唔高興，係度發脾氣唔肯食野，仲係度喊添！

唔怪得知，我行番埋位既時候見到潼潼用個背脊「得」住嫲嫲，仲要頭耷耷面燶燶咁。原來咁細個都識得嬲既，真係諗番起佢個樣都攪笑，可惜一時之間無影低佢個樣。