14個月

潼潼14個月大。

呢個月潼潼最明顯既「進步」，就係學識左成日捉住人地隻手，拉住你要去呢度，去果度。

其次就係好鐘意自己開部機去聽音樂，不過其實係攪攪陣居多。你地睇下佢隻手指，仲係手指指，岩岩「禁」完d制囉！

潼潼學講野既進度係明顯比較慢，為左避免佢係歲半大既時候番健康院檢查時俾姑娘「投訴」，我開始向潼潼進行訓練。以前佢手指指我地已經幫佢做既野，而家都盡量要求佢要講出黎，多ｄ同佢講出周圍事物既名稱，有時聽到佢讀到ｄ字既音怪怪地咁，真係幾攪笑架。

 

潼潼會講既說話：

爸爸．拜拜．俾．掉．車．波．踢