潼潼媽的生日禮物

潼潼媽唔係特別重視生日既人，自己生日都無乜點慶祝，只係一家人食餐飯。

不過呢日潼潼就為我送上驚喜。晚上食完飯番到屋企，從洗手間一開門出黎，潼潼就向我遞上禮物。

潼潼：媽ｍｅ生日快樂，送俾你架！

打開一睇，原來係人地用黎做木刻匙扣既木板，兩面都畫上圖畫。







潼潼：你唔記得喇咩？我果日咪話左有份禮物，等你生日先送俾你架囉！

係！係媽ｍｅ無心肝，聽完就算，以為你唔知去邊度搵ｄ玩具包埋就話俾我話做禮物，但係原來真係有份潼潼親知整既生日禮物。雖然我知呢份其實係學校做既母親節小手工，只係當日潼潼請左假無番，所以拎唔到番黎母親節送俾我。不過我都好開心，你專登為我準備呢份自己親手包既禮物。