遊南澳 - 第二日

我地去南澳十幾個大人，只有潼潼一個小朋友。通常大人都鐘意玩到夜，第二朝訓到晏。所以第二日既上午，早起既我地都非常無聊，唯有落沙灘行下。

之前係渡假至窗外見到一排排既養殖場，初初都唔知養乜，但係我諗呢日有答案喇!

因為係沙灘仔發現一隻活生生既海膽，d刺仲會慢慢咁郁架! 原來南澳都出名海膽，我諗估計出面養海膽應該都無錯卦!

到中午又出去食飯喇! 又係海鮮餐。呢餐比尋晚果餐更豐富﹑更美味，不過價錢反易更平。讚!

食完野，附件有個正正式式既沙灘，d沙比我地之前住果度既沙灘仔幼好多，d浪細好多。潼潼見到好想出去玩水呀! 可惜我地無準備，唯有只係玩下沙，幫佢挖個大水池，挖左個多小時。嘩~~ 手軟!



玩完都六點喇! 回程番香港喇! 多謝朋友 - 肥魚叔叔辛勞左兩日載我地車出車入。