「專家」話小朋友學寫字先要配合手部小肌既發展,所以我從來無勉強潼潼學寫字。
「專家」話小朋友對各方面既發展都有各自既敏感期 。想要好好培養小朋友,就要懂得把握佢地既敏感期。
係學寫字方面,學校係有做線條練習,不過懶媽媽就無額外要佢多練習。
不過呢日潼潼就無端端自發地寫左幾個英文字。
姐姐話潼潼自己係度寫英文字母,唔識寫時就自己走去門口貼住既字母表度,用手指指劃住,之後再自己坐番埋位寫。
或者,潼潼已到左學習寫字既敏感期。
後話: 雖然我有即時誇讚潼潼,但之後幾日潼潼都唔肯提起筆寫字喇。
「專家」話小朋友學寫字先要配合手部小肌既發展,所以我從來無勉強潼潼學寫字。
「專家」話小朋友對各方面既發展都有各自既敏感期 。想要好好培養小朋友,就要懂得把握佢地既敏感期。
係學寫字方面,學校係有做線條練習,不過懶媽媽就無額外要佢多練習。
不過呢日潼潼就無端端自發地寫左幾個英文字。
姐姐話潼潼自己係度寫英文字母,唔識寫時就自己走去門口貼住既字母表度,用手指指劃住,之後再自己坐番埋位寫。
或者,潼潼已到左學習寫字既敏感期。
後話: 雖然我有即時誇讚潼潼,但之後幾日潼潼都唔肯提起筆寫字喇。
新年特別多舞獅活動,之前係東港城都碰到一次舞獅,不過當時已經表演完,獅仔向各商鋪賀年,所以無乜野睇。今日係新都城就碰岩開鑼,可以同埋潼潼去湊熱鬧。
呢次舞獅表演真係精彩,除左紙炮,仲出動到煙霧同吹泡泡,視覺效果唔錯。連潼潼咁怕嘈,都寧願一邊掩著雙耳,一邊繼續欣賞。表演隊伍好醒目,表演完畢後將個獅頭舞向大家,大家都紛紛湧去摸下個獅頭攞個彩。佢地真係好好人,仲來來回回好幾次,以滿足所有圍觀既人。
最後仲俾人影相添!
其中一條獅仲同潼潼玩,張大個口將潼潼個頭都放左入獅口入面(大吉利是)。潼潼話佢唔驚,佢話知道係人扮架喎!只係怕嘈唶!
呢個農曆年潼潼媽貪得意整左三個賀年甲款玩下。
潼潼爸最鐘意係第一個款。第二個款清清地我都幾鐘意。去到第三個款,其實已經諗唔到可以點整,塗完又擦,擦完又再塗,試左幾次之後,先隨便塗完色後畫番條金線算。其實個甲油係紫色,唔知點解影黎影去都係偏藍。
潼潼番學之後就便利左媽媽,好多野唔駛媽媽教佢都會。好似呢個新年咁,好彩學校教左潼潼唔少祝賀說話,靠呢個懶散既媽媽真係唔得掂。佢今年最常講既係「兔年快樂」﹑「新年快樂」﹑「龍馬精神」﹑「身體健康」﹑「龍精虎猛」﹑「花開富貴」。雖然講黎講去都呢幾句,不過對於K1小朋友黎講,大人聽到緊係俾滿分啦!
二月三日 年初一 拜年日
每年既年初一都係最忙既一日,要四出去拜年。不過多得姨丈姨媽幫手,D賀年禮品一早係團年時留哂係佢地車上面,所以我地今年就輕鬆好多喇!
二月四日 年初二 玩樂日
通常到年初二我地已經好遊閒,於是同潼潼落吉之島睇下野。潼潼就係吉之島試玩左Wii,玩完又排隊,一共玩左三次呀。到夜晚去表姨屋企食開年飯,然後睇煙花,之後又玩左xBox。以為潼潼玩唔掂,點知佢又似模似樣,尤其是玩跳舞game既時候,都跟到幾足下。見佢跳舞個樣真係好趣怪,可惜無拍低落黎。
二月五日 年初三 單車日
呢日係表姨一家第一次到訪我地屋企。之後仲專車接送我地去馬鞍山踩單車添!潼潼已經好耐無掂過架單車喇,今次真係唔該哂表姨,等潼潼有機會操下架單車。
二月六日 年初四
呢日係同爸爸一眾親戚團拜。可能太陌生,潼潼超扭計,唔多願講野,莫講話拜年,連基本禮貌都欠奉,真係失禮哂。不過一出動到Wii又唔同哂,一邊打機一邊說話多多。經過打機既熱身之後,當堂精靈又生猛哂,食完飯之後仲夠膽自己去問舅公可唔可以再玩添。
二月八日 年初六
潼潼媽就年初六下午開工喇!阿囡就仲放緊假,攪到我好想可以繼續放假陪阿囡玩,可惜唔可以。呢幾日就靠潼潼爸陪囡囡出去玩下喇!
潼潼而家開始學識一d英文生字就成日話自己識英文。
潼潼媽:「嘩!點解你識既?」
潼潼:「緊係啦!我有番學架嘛!你番工,都無番學,緊係唔識啦!」
潼潼媽:「咁你教我得唔得呀?」
潼潼:「你自己試下學啦!」
*******************************************
2月2日
潼潼生日前,成日問係咪自己就黎四歲。而家過左生日,就話自己就黎五歲。呢日就自言自 語數住:四歲之後五歲;五歲之後六歲;六歲之後七歲......
潼潼:八歲之後十歲係咪呀?
潼潼媽:你話呢?
潼潼:唔係囉!
潼潼媽:咁幾多歲呀?
潼潼:係咪九歲呀?
潼潼媽:係呀!
潼潼:九歲之後十一歲,係咪呀?
潼潼媽:你話呢?
潼潼:唔係呀?
潼潼媽:咁幾多歲呀?
潼潼:十歲!
阿囡,媽me最初以為你真係唔識,原來你係度玩我.......
*******************************************
2月2日
剛買完賀年禮品,又見到另一盒糖果好似唔錯。
潼潼媽:哎呀!呢個好似好食D喎.... 不過都買齊哂咯!
潼潼:咁買黎俾自己食囉!
你真係想得周到。
*******************************************
2月3日
潼潼又話要派利是
「要結左婚先派得架」
潼潼 : 我要結婚
「要兩個人先可以結婚」
潼潼 : 咁我同姐姐結婚
「要同男仔結婚」
潼潼 : 咁我同爸爸結婚
「爸爸同媽me結左婚喇 ! 你有邊個靚仔既同學仔呀?」
潼潼 : XX
其實潼潼既答案,全部都係我意料之內。
大年初一,潼潼有個好開始。
雖然尋晚半夜肚痛完又腳痛,應該訓得唔好,不過不到十點潼潼已經自動自覺起身。我話俾佢聽新年要快D去刷牙洗面,換好衫再同爸爸媽me拜年,潼潼一點扭捏都無就同姐姐一齊入洗手間梳洗。
之後換衫﹑出去拜年﹑講恭賀說話都好合作,食野仲比平時食得好﹑食得多添。真係一個好開始!潼潼,新的一年更懂事了。o係大年初一有一個好開始,媽me好滿意的了。
今年潼潼媽真係好懶惰 (好忙),辦年貨同佈置家居都係年卅先黎做。今晚食完團年飯番屋企,先去附近買年花,然後係屋企胡亂地狂貼揮春了事。 不過當中不乏潼潼既傑作。
呢個係潼潼係學校既作品,我覺得都幾靚,加上為左對潼潼既努力表示認同,我幫佢貼左出黎。
潼潼都周圍貼左唔少揮春,連雪櫃門都貼埋 ,不過我地都由得佢。 下面個大衣櫃既揮春都係佢既大作。雖然貼衣櫃就古古怪怪,不過都幾有凌亂美丫。
趁今日年卅公司放早,爭取時間幫潼潼再度出繫掃貨同辦年貨。
經過商場既賀年擺設,潼潼主動叫我幫佢影相。呢個妹豬平時我地叫佢影相,佢就勉強擠出笑容,一點都唔自然。不過佢心情好,自己想影相果陣就完全唔同哂,全自動波兼擺出好多靚甫士。