我每晚都會睇潼潼既家課,不過就無同佢複習書本既內容。
昨晚拎潼潼D書黎睇既時候,潼潼爸叫我要同阿囡溫下書。
潼潼媽:佢都識架啦!
我憑乜野咁講呢?其實只係平時做功課既時候見佢識做,有時同佢玩既時候佢又會講一兩個字,咁我就認為佢會喇!真係一個懶散既媽媽。 然後仲滿有信心咁叫潼潼拎本書讀俾爸爸聽。好彩潼潼爭氣,雖然發音有D唔係咁準,不過佢又真係讀到喎!嘻嘻.... 今晚幫佢錄番段片補番數先。
再加料。之前聽過潼潼唸,幾個癮,又錄低佢先。
有D倒數既概念架!
見到個衰妹誇張既口部動作真係笑死我。仲留埋口水添,失禮哂!
咁啱0既, 小怡又係學呢本英文書喎. 最得意係佢哋將 ice cream 讀成 "eye kim", 好惹笑呢! 潼潼讀得好叻, 未敎0既都識又肯嘗試讀, 叻!
回覆刪除潼潼記性好好, 睇佢首咁長0既首歌仔都冇難道. 扺讚!
[版主回覆11/28/2010 01:03:00]可能呢套書真係幾好,話哂朗文出,所以好多學校都用呢套。小怡佢咁快教到ICE CREAM喇?
其實首歌仔都係不斷重複,唔係真係咁長既。
佢敎到 h 囉. 我想知, 潼潼評估英文嗰科係問d 乜嘢問題呢?
回覆刪除小怡一共評過兩次, 第一次讀大楷 A 同 B, 第二次深咗好多, 要佢哋聽老師說話做動作. 就係 point to your eye / nose / mouth / ear. 懶散小怡兩次都捧旦呢!
呢本書同大怡k1 嗰本比, 所列出生字反而少咗一d. 但係書面有凹版字母比小朋友可以用手指跟住畫吓, 呢樣至啱我心意呢!
[版主回覆11/30/2010 00:05:00]潼潼暫時評過一次咋,而且只係認讀生字。要做動作?似乎深左d,潼潼都唔會識啦! 所以都唔可以怪小怡咯。