淘書去

本來諗住潼潼開始認字，唔打算再係淘寶買簡體書。不過淘寶入面既幼兒書籍真係好平，內容又廣泛，最後都係忍唔住又訂左一堆番黎。

首先係當當網訂的第一批書。呢幾本無字書我想買好耐喇！一黎可以訓練潼潼自己睇書，二黎又可以訓練小朋友既想像力。不過拎到手之後有少少失望呀！因為本書原來都幾細本，我諗潼潼拎上手有點困難。後黎我見到潼潼都肯拎黎自己掀哂一本睇，都算有點安慰。好彩有隻老鼠果個系列只揀一本買，無買哂全套。而前面男孩﹑青蛙﹑狗的系列亦不到RMB30.00。

「可愛的身體」一套八本，唔駛50蚊人仔。

潼潼o係現有既圖書中見到有呢本書既介紹而指定要買既。不過買左番黎之後先知潼潼原來想要同系列既另一本書。好無再買呢?

之後又係淘寶買左呢兩本書。本來無諗住買，不過人讚口不絕，忍唔住又買左。 

「活了100萬次的貓」係愛的教育，生命的教育。貓活左好多次，死左好多次，之前都係被人養既貓，活左好多次佢都不怕死，亦心生厭倦。直到最後一次，佢為自己活，並愛上了另一隻貓.......

o係書評入面，都認為呢本書其實係俾成人看的書。

「100層的房子」既排版好得意，係打直向上掀。每十層都有唔同既小動物住係度，介紹佢地既生活。

最後一套五本「小笨豬與大壞狼」既故事，係有趣攪笑既故事。見當當網周年慶大減價又忍唔住買左。

買左咁多書，其實究竟係潼潼愛書，定係潼潼媽有買書狂呢? 而且有d書好似係我自己想睇多d。