同潼潼講故事時講開老鼠，講講下就變左去買倉鼠喇!
好攪笑，潼潼成日話「唔駛驚~ 唔咬人架~」但係其實佢都好驚。當我打開門隻倉鼠想走出黎果陣，潼潼嚇到即刻閂番埋度門，攪到夾到隻倉鼠個頭添!
不過其實我都好驚呢d鼠鼠架! 
2010年11月28日 星期日
2010年11月27日 星期六
又被冷落了
潼潼都幾鐘意星期六晚去厚德村聽人地唱歌，當然佢志不在此，只係有時會有d小朋友陪下佢玩。
呢晚潼潼又去聽歌，不過今晚一幫三個小朋友都唔肯同佢玩。見住三個小朋友都不停鬧住潼潼「喂呀! 你唔好跟住我!」﹑「我唔同你玩呀!」但係潼潼一d都無退縮，依然不停跟住三個小朋友，有時仲會加把嘴同人家理論。雖然潼潼媽非常不值果三位小朋友既行為同態度，但係又好欣賞潼潼既勇氣同毅力，因此都忍耐住唔出手而在旁觀察。見佢「以一敵眾」咁同人家對抗，有時都幾好笑。
好一段時間後，我地要走喇! 潼潼就主動同果三位小朋友講拜拜! 小朋友既回應係:「我唔你拜拜呀!」哈哈~ 真係要讚一讚潼潼，雖然人家一直都對佢好唔客氣，但潼潼依然無忘記「以禮待人」，真係連媽me我都做唔到。
回家路程上我不忘誇讚潼潼，無論人家點樣不禮貌，但都要做好自己。而潼潼呢，亦頓變牢騷王，話人地唔岩，唔同佢玩，又拉佢，仲識得話果D哥哥姐姐係BB，要坐BB車。哈哈~~ 我家小姐實在太可愛，竟然識得咁樣比喻幾位小朋友。
潼潼一時又話下次唔同佢地玩，一時又話俾多次機會佢地，就係咁一路數到番屋企。見到佢咁都幾攪笑，所以又錄低佢D牢騷對白。不過佢知道我錄緊其實都拘謹同收歛左。
家長日
對於潼潼既任何事情，潼潼媽都好期待，包括12月10日既學校十週年匯演以及今日既家長日。好想知道潼潼係學校表現係點，老師對佢既評語又係點。
結果係令人非常滿意。
- 老師話潼潼係認知方面表現好好，學到既生字都認得。
- 大小肌肉發展都理想，不過可以加強運筆練習，怕佢力度唔夠，將來要寫字既時候會出現困難。
- 老師話潼潼講野好老積，講野好似大人。老師話佢地呢個年齡一般比較自我中心，好少會好似潼潼咁，有時會代替左老師教訓d小朋友。不過老師話潼潼d說話都係禮貌既，小朋友亦接受。
- 潼潼表現合群，同小朋友相處融洽。
- 潼潼好積極參予每一個學習區既活動，每一個學習區都會嘗試。老師問既問題佢都會一一作答，叫佢做既佢都會做。不過就稍為缺乏主動性。
- 潼潼鐘意做大人，唔鐘意做BB，老師做既佢都要跟住做，做唔到會唔高興，不過未致於發脾氣。
- 老師總括潼潼都係一個乖巧既小朋友，未見過潼潼有脾氣，表現禮貌﹑順從，唔會挑戰老師。
睇番份「學習歷程檔案」，語文﹑早期數學﹑藝術﹑科學與科技﹑體能與健康﹑個人與群體六個範疇中，入面每個重點項目潼潼都得到最高既評分。
最後係檔案上既評語係 :
乖巧守規的潼潼，富有同理心，看見別的小朋友哭泣時都會主動上前安慰，社交能力發展不錯，能與同伴愉快相處。在課堂上潼潼會嘗試回答老師的提問及分享自己的生活經驗，且懂得利用不同的禮貌用語來表達需要，且待人有禮，值得同伴學習。
老實講，潼潼媽都算懶散，潼潼有咁既表現，都算執到咯。
2010年11月26日 星期五
2010年11月21日 星期日
2010年11月20日 星期六
2010年11月13日 星期六
反斗城的蘭桂坊嘉年華
收到反斗城的宣傳電郵，知道佢地星期六﹑日係蘭桂坊攪嘉年華。爸爸呢個星期六要開工，潼潼媽怕潼潼無節目，就帶左佢去嘉年華玩。
去到先發覺被騙，所謂攤位遊戲只有寥寥幾個，而且唔算遊戲，只可以叫做擺賣。
同潼潼排隊玩彈彈床，玩5分鐘要10個大洋，不設找贖。潼潼媽無零錢，就夾埋前面個媽咪一齊俾。小朋友既友誼好單純，只係一齊俾錢，轉個頭就見到兩位小朋友手拖手做左朋友，連跳彈床果陣都拖住手一齊玩。
時間夾唔岩，睇唔到表演節目，又無野玩，見到幾個人扮玩偶走出黎就個個爭出去影相。
影完相，功成身退咯！超無聊！！
2010年11月7日 星期日
親親大自然
智樂係何文田有個親親大自然既活動，於是又帶潼潼去玩下。
個活動地點對於我黎講都幾隔涉，不過去到我就愛上左呢個地方。原來公屋都可以咁清幽咁舒服。我要住公屋!!!!! 
不過要係何文田！
好！去番正題。睇睇呢次活動，爸爸就覺得簡單求其左ｄ，不過對於小朋友黎講可能已經好吸引。
潼潼坐完車，黎到都呆呆地，要D時間熱下身先開始玩。首先係各種攤位小遊戲。玩下搖鼓﹑敲掛鈴(唔知正確名稱添)﹑用氣球整既鼓﹑玩彈麵粉。下面係用木棒摘生果，不過最後潼潼放棄，改用手摘黎玩算喇。
拋波波上「許願樹」
做小手工
哥哥拖潼潼走左個圈之後，個衰妹黎竟然指明要媽ME拖佢行。
用個籃將波波同公仔彈出去
另一邊場有三個唔同既主題區。
玩稻草。
砌個小山丘
工作人員犧性了，自願被埋係草入面。
倒水。係咁倒，唔知有乜好玩架。不過小朋友就係鐘意囉!
仲有個沙池，潼潼喊哂口唔肯落去玩。
玩完個智樂既遊戲之後潼潼仲要去屋村入面個遊樂場玩添。
潼潼仲未盡興，不過我地要走喇！
2010年11月5日 星期五
淘書去
本來諗住潼潼開始認字，唔打算再係淘寶買簡體書。不過淘寶入面既幼兒書籍真係好平，內容又廣泛，最後都係忍唔住又訂左一堆番黎。
首先係當當網訂的第一批書。呢幾本無字書我想買好耐喇！一黎可以訓練潼潼自己睇書，二黎又可以訓練小朋友既想像力。不過拎到手之後有少少失望呀！因為本書原來都幾細本，我諗潼潼拎上手有點困難。後黎我見到潼潼都肯拎黎自己掀哂一本睇，都算有點安慰。好彩有隻老鼠果個系列只揀一本買，無買哂全套。而前面男孩﹑青蛙﹑狗的系列亦不到RMB30.00。
「可愛的身體」一套八本，唔駛50蚊人仔。
潼潼o係現有既圖書中見到有呢本書既介紹而指定要買既。不過買左番黎之後先知潼潼原來想要同系列既另一本書。好無再買呢? 
之後又係淘寶買左呢兩本書。本來無諗住買，不過人讚口不絕，忍唔住又買左。
「活了100萬次的貓」係愛的教育，生命的教育。貓活左好多次，死左好多次，之前都係被人養既貓，活左好多次佢都不怕死，亦心生厭倦。直到最後一次，佢為自己活，並愛上了另一隻貓.......
o係書評入面，都認為呢本書其實係俾成人看的書。
「100層的房子」既排版好得意，係打直向上掀。每十層都有唔同既小動物住係度，介紹佢地既生活。
最後一套五本「小笨豬與大壞狼」既故事，係有趣攪笑既故事。見當當網周年慶大減價又忍唔住買左。
買左咁多書，其實究竟係潼潼愛書，定係潼潼媽有買書狂呢? 而且有d書好似係我自己想睇多d。
訂閱：
文章 (Atom)