唉...... 我而家成日俾潼潼訓話,就黎我似做囡多過佢。
呢日潼潼學校開生日會,拎左一個萬花筒玩具番黎。我拎黎睇下。
潼潼::「你都無問我,你問我玩唔玩得先。」
唉....... 又黎......
潼潼媽問完拎黎玩左陣。
潼潼:「玩完玩具要唔要洗手呀?」
呢個好習慣黎既,我附和佢一齊去洗手。洗完手我又手多多拎番個萬花筒望一陣,然後俾番潼潼。
潼潼:「你擺番好丫!」
正以為潼潼指我做野... 不過又真係我自己拎黎玩,係咪應該自己擺番好呢?
潼潼::「我洗左手唔掂呢個。」
原來如此....
潼潼媽:「咁擺邊度呀?」
潼潼:「擺係檯上面丫!」
姐姐切好生果拎過黎
潼潼:「玩完玩具食野要洗手喎!」
潼潼媽明知衰左亦死撐:「洗左囉!」
潼潼:「但係你頭先掂左呢個喎!」
潼潼媽:「唔緊要啦!」(差點就想搬出「我係大人唔怕」既歪理)
潼潼::「唔得架!掂完玩具要洗手啊,有細菌架嘛!」
潼潼好努力搬出「細菌」呢個詞語,講時有點結巴,證明佢只係剛剛學會呢個詞,仲未係好熟悉。
潼潼媽:「唉!!!!」好無奈地入去隨便地洗左手就出黎食生果。
恭喜晒妳, 潼潼心水清得好緊要, 有原則又有條理. 四歲未到識得講道理, 叻女!
回覆刪除[版主回覆10/14/2010 00:09:00]仲用埋大人d口吻添。
哇哈哈 我幻想到你無奈個樣
回覆刪除[版主回覆10/14/2010 00:10:00]而家d小朋友... 真係唔夠佢地講。