放大孩子的優點

而家網誌亦可以係一個豐富的資料庫。

係某網誌中見到家長推介書清單，其中一本係「放大孩子的優點」。我見書名已經被吸引，唔執輸地搵資料。

放大孩子的優點，你將成為孩子心目中的最佳父母。

從千百次的實驗與觀察中，心理學家發現，未成年的小孩對自己的看法，完全取決於周圍人的評價，哪怕只是一句話，或一個眼神，都有可能會對孩子的一生產生影響。

(CLICK上文可看詳細介紹)

睇過介紹，令我想起一件事想分享一下。

早一段時間買了「邏輯狗」這小玩意給潼潼，裡面包含左好多個訓練小朋友邏輯思維的小遊戲。初初買番黎，潼潼雀躍的玩完一個又一個，之後佢隨意挑了一個難度較高的遊戲。

潼潼媽不其然：「呢個好難架喎！」

最後潼潼當然唔成功。之後潼潼每見難度較高或之前失敗過既遊戲都要跳過，話好難，話自己玩唔到。於是潼潼媽知出事喇！

而家潼潼再玩邏輯狗時，有時都會問：「呢個難唔難架？」

我就會答：「呢個唔難，只要潼潼專心就玩到架喇！」

雖然而家潼潼有時仍然會跳過之前失敗過既遊戲唔玩，但我諗總比一開始就否定佢既能力好。

育兒真係要從經驗中不斷反省學習呢！