遊香港動植物公園

呢日同潼潼去動植物公園。以前潼潼媽細個既時候，耐唔耐都會黎呢個公園玩下架!諗住俾潼潼多Ｄ睇下真實既動物，決定帶佢黎行下。

點知．．．．　未到目的地已經筋疲力竭．．．．．　

呢個公園位處半山，好多斜路。

潼潼唔夠力行，兼且佢兩歲半左右開始有生長痛情況，我怕佢夜晚又嗌腳痛，所以我地要抱住佢行，仲要係行斜路。

行到公園後，最初潼潼媽坐左係度唔願郁。點解印象中細個果陣唔係行得咁辛苦既呢？真係年紀大左喇！

潼潼就好好精力。

潼潼一路嗌住「唔好影！唔好影呀！」我偏要影！！

玩完先去睇動物。

去完動植物公園，兩個大人散哂。不過慶幸當晚潼潼無叫腳痛，我有覺好訓。

不過原來我地呢Ｄ「平民百姓」，要實踐「蒙」的教育概念真係唔易。潼潼爸都話下次再去要坐的士，否則唔去。