扮傻

連鍾SIR都話好多時要潼潼做D野，佢都鐘意側側膊扮傻了事。

今晚潼潼媽要幫潼潼剪指甲，潼潼係都唔肯，於是我唔啋佢。呢個時候潼潼自己行左出房，閂門。隔左一陣，佢又行番入黎，見我繼續唔理佢，佢又行番出去，閂門。係咁進進出出不知幾多次。

然後有一次，潼潼入黎，若無其事，唸了兩首詩。見我無理佢，佢又行番出去。

又有兩次，潼潼入黎，然後問：「你做咩呀?」我繼續唔理佢，佢又行番出去。

之後又再進進出出幾次。

最後一次，潼潼入房：「剪啦！」然後伸出一隻手。

呢個衰妹，佢根本知道發生緊乜事，但係一直扮無知，要你同佢鬥耐力。